وزارة شؤون كتونة · دائرة الحماس
ملف علاگي أخضر، مثل الأصول
ملاحظة: هاي المعاملة ما تحتاج واسطة، ولا طابع، ولا «راجعينا باچر».
يا كتونة!
رسمياً صرتي طالبة جامعية بالتقنية الإدارية، بالجامعة التقنية الوسطى.
وآني رسمياً… أفتخر بيچ.
(دوسي على «مبروووك»، جربي)
ملاحظة جانبية (مهمة)
كنتي تتمنين نداوم سوا بنفس الجامعة، وزعلتي شوية.
وزعلچ حقچ. آني هم كنت أتمنى.
بس تعاي نثوفها من غير جهة:
لو داومنا سوا… ما راح ندرس 🗿☕️
وهذا البعد بيه اشتياق، نرجع متحمسين نسولف شصار وشسويتي بالكلية.
وايضاً، اني اغيب كل ايام الاسبوع، ما اداوم غير يوم لو يومين… اذا داومتي راح اضطر اداوم 😾
وبعدين هي سنة سنتين واجي اخطبج، وبعد شيفكج مني
تقرير خاص
خمس أسباب، مدروسة إدارياً
الإدارة يعني تنظيم، وقرار، وقيادة… وهاي الشغلات بيچ من زمان.
بدليل إنچ تديرين حياتي من سنين، وبنجاح.
كل شركة، وبنك، ومستشفى، ودائرة، تحتاج ناس تفهم بالإدارة والتنظيم.
يعني الدنيا كلها راح تحتاجچ… مو بس آني.
بالجامعة التقنية تتعلمين تطبّقين، مو بس تحفظين. تتخرجين وإنتي تعرفين تشتغلين.
يعني بصم أقل، وفهم أكثر (إن شاء الله).
اللي يفهم بالإدارة يكدر يوم من الأيام يفتح مشروعه، ويديره صح.
وآني أول زبون… وادفع كاش، او بوسات، بكيفج.
صديقات جدد، كافتيريا جديدة، ممرات تضيعين بيها أول أسبوع، وقصص جديدة كل يوم.
وإنتي تستاهلين عالم كامل.
س/ شنو أول شي راح تسوينه بأول يوم دوام؟
اختاري جواب… وماكو جواب غلط (تقريباً)
مبرّر طبياً. اللجنة توصي بعلچ نعناع بالجنطة.
موافقة فورية، وأريده حلقات يومية.
طالعة لحبيبچ… تعلّمتيها مني.
اسكت جذاب
آني الموقّع أدناه، حبيبچ، أتعهّد بما يلي:
تقبلين التعهّد؟
ماكو ما
كتلك ماكووو مااا
بعد الاطلاع على المعاملة، والتدقيق، وشرب ثلاث استكانات چاي… تقرّر ما يلي:
احبج قطوطي
يلا، التقنية الإدارية بانتظار المديرة الجديدة.